هيا معا نجمع اجمل الذكريات

[اسامة صفاوي]

اطلب من جميع الاخوة و اغلبنا كشفيين سابقين او حالين ان نكتب كل منا اي قصة او حادثة مهما كانت مضحة , محزنة, معبرة حتى نجعل هذه الصفحة كتاب ذكريات رائعة من موسوعة عالم الكشاف الرائعة

[عاشقة جنوبي]

ممممممممم الصراحة انا ما كنت بالكشاف بس كنت بمخيم للزرارية مع الحركة احلى ايام عمري كانت والله
ممممممممممم بكرا بكتبلكون شوي من هالذكريات
تحياتي

[اسامة صفاوي]

بالانتظار على جمر شكرا اختي على مشاركتك

[ام مهدي]

هههههه بدي إحكي ومستحية ههههه

انا كل ما روح عالمخيم كنت روح مكيفي بس تبلش تغيب الشمس بلش ابكي بدي اهلي هههه بس انه كنت احكي بابا ويقولي جاية أخدك بس ما كان يجي هههه

اخ على أيام الكشاف

[اسامة صفاوي]

حرام هههههههههههههههههههههههه

شكرا اختي على مشاركتك الكريمة

[نضال]

والله أجمل أيام حياتي قضيتها بالمخيمات مع جميع الأخوة الحركيين وعلى رأسهن خاصاتك أخ أسامة
تحياتي...

[Jehad]

بتتذكّر خيّي كاظم لمّا عملت فرقة التّشريفات بمخيّم فوج ثانويّة الشهيد بلال فحص غارة على الدراسة اللي كانت حدنا لمّا لبس حسن حايك و كم واحد شراشف بيضا و صاروا يفوتو على الخيم و يقولو : إذا جاءك الملكان يسألانك فقل الله ربّي ... وخوتوهن ؟
فعلا أيّام لا تمحى من الذاكرة ..
الله يرحم ...

[اسامة صفاوي]

والله خي جهاد شو ما تذكرنا بيبقا بدنا سنين لنتذكر صراحة بالنسبة الي كل شبر بالمخيم في ذكريات اروع و اروع , بتذكر السهر و النعس و النشاط و الكسل بتتذكر الصرخات و الالعاب و تحضير الدفتر قبل التقييم للصبح و الله كل لحظة بالكشاف بعادل حياة كاملة عادية .
صراحة انا بعدين و انشاء دايما بالكشاف و لكن يا ريت برجع عنصر جوالة او تشريفات حتى ارجع (جأم) والعب

[عاشقة جنوبي]

كتير اشيا بذاكرتي حتى بعض الصرخات حفظيتها لحد هلق وبعض الاوقات برددها لحالي
بتذكر شخص كان اسمه القائد علي بزي وكان معنا قائد اسمه حسن كانت اجمل ايام العمر
وكنت انتظر السهرة كل يوم حول موقد النار وكل واحد يقوم شي واحم احم كان صوتي حلو وكنت قول اناشيد
كل شي كان حلو كل لحظة كانت حلوة وخصوصا المشروع مع انو كانت الماي لي فيه كتير قوية بس كنت اطلع واسبح :D والقائد ينطرني تحت حتى ما تخدني الماي:D وكنت حب لعبة كانوا يعملولنا ياها انو يحطوا غرض بمحل معين وكل مجموعة تفتش عليها
وكنت اكره :mad: لرياضة الصبح ههههههههههههههه وكنت حب انو نروح على مطرح اسمه غدير السبع بنات ونتسبح هونيك كنا نسأل ليش هالاسم كانوا يقولولنا انو غرق في سبع بنات واخير شي طلعوا عم يضحكوا علينا حتى منا نقرب لمطرح الغميق هههههههههههههههههههههه وكنت حب الصبح لما نضف الخيمة لانو كان فيه لجنة تجي الصبح وتكشف علينا ولي بتطلع خيمتون ارتب خيمة بيرفع العلم :p اذا بدي اتذكمر في كتير اشيا

مشكورة اخي على هالذكريات الحلوة والله

[اسامة صفاوي]

مشكورة اختي على هذه الذكريات الرائعة
والله انا بذكر مرة كنا بمخيم و كان الاخ جهاد موجود عام 2003 ابتدائية شارة خشبية قام قائد الدراسة بلال زين الدين و جاب لكل طليعة دجاجة و تركهن يركضوا بساحة العلم و صرنا نلحقن حتى كل طليعة تكمش دجاجتها كمشناهم و اجا وقت الصعب قال كل طليعة لازم تعمل موقدة و تشويها بدون استعمال اي الة مطبخ كانت اجمل اكلة بالعمر صراحة
و على الترويقة طلبو منا بالليل نحضر كل طليعة طابونة (فرن تقليدي) و الصبح جابوا بس صعتر و طحين و قالو دبرو راسكن بس يومها طلعت احلى مناقيش من المخيم و اجو كل القيادة تروقو معنا
كنا نشتغل و نقول طول الوقت الصرخات الحلوة
يا ماما تعي شوفيني
شوفي شو صاير فيني
حطيتيني بالكشاف
و احلى بلوة بليتيني

[Jehad]

الله عليك يا أسامة فتحتلنا جروحات hehehehe