حكواتي رمضان
08-19-2010, 11:16 PM
القصة الثانية واتمنى تنال اعجابكم والعبرة منها تكون مفيدة للجميع انشالله
حكاية النسوان السبعة المطلقات
كان يا مكان في قديم هالزمان…بسالف العصر والاوان ...وما بيحلا الكلام الا بذكر النبي عليه الصلاة والسلام...صلو على النبي محمد عليه الصلاة و السلام واله الاطهار الكرام ...
كان في سبع نسوان يا عيني مطلقات من ازواجهن...وهني بصراحه عجبة في حارتهن... وبيعيشوا بقرب بعض... وكل ليلة كانوا يسهروا لبعد المغرب... عند واحدة فيهن ...و كل الحارة جانة من جنونن ...لك كيف سبع نسوان يا حسرتي مطلقات...هني من عائلات اكابرية و متربايات..خلوقات و بشوشات... مو ناقصن شي ابدا ... بس الناس تحب النميمة يا ربي شو نسجوا عنن حكايات ... حتى الرجال طار عقلاتها وصارت فضولية...بدا تعرف حكاية عائشة وخيرية وحتى فوزية .
في شاب عجيب غريب... عمرو ما خاب ولا بيخيب...عليه مخ و افكار..يا الله عليها ...تقول قرد مصور ... هزوا فضولوا لا يكتشف سر النسوان المطلقه ...وبدوا و الف سيف يعرف شو قصة كل معتقة ... لبس لبس نسوان...وحط ع راسو شعر وصار ما شاء الله عليه ست البنات..تشوفوا تقول احلى الحلوات... و سمى حالو فتكات...
راح الشب على بيت فوزية ...الي بيتجمعوا عندا المطلقات ... ودق الباب بادب..و نحنح بصوت البنات...طلعت فوزية من الباب..و قالت اي بنتي في شي ...نزلت فتكات دموع...و اااااااخ ااااخ على حظها المقلوع...ما عندا اب ولا ام...ونسوان اخواتها حالتهن تغم...كل يوم يعطوها قتلة...وهي ما بتقدر تحكي...من شان هيك عم تدور على شغلة ...بس بهدمة و لمقة...ما بدها مصاري ولا رسمة...
انوجع قلب فوزية يا الله...شو ها البنت المسكينة الي ما عندى غير فوزية و الله ...
لا بقى راح اخدها ...تعملي شاي و تخدم على القعدة ...لما يجوا النسوان المطلقات...وهيك اقعد ع راحتي انا ..و بكام كلمة و معنى اتهنى ..
وهيك اندس الشاب وسط النسوان ...و صار تعي يا فتكات ..روحي يا فتكات...جيبي يا فتكات..و فتكايه هات هات ..وهو مستني يعرف سر الستات...
قولكن راح يقدر يعرف ها العفريت سر النسوان المطلقات
خلونا نشوف ها النمس شو بيقدر عليه ...و السر الي جاي من شانو راح يعرفوا ولا النسوان راح تكتشفه وتخفيه ...شو قولكن انتوا ...بيقدر ولا لاء
حقيقه ما طول الشب مقامه عند فوزية ... و حضر قعداتن العائليه...وسمع حكياتن الحلوة...و رقص كمان على كام غنوة...شنو نسوان الشام... تحب الغنى ليحلى المقام...حتى نطت براسه فكرة جهنمية...
قرب على فوزية خانم و قال ستي ستي ...شو رايك بدل ما نضل قاعدين بالبيت ...نطلع طلعه جماعية...كل مين عنده غسيل ياخدو معوا ع النهر..شو رايك نروح كلنا بين ضي القمر....وطلوع الفجر...
فرحوا النسوان بالفكرة و ما صدقوا ...وعلى الطلعه كلياتن اتفقوا ..والشب عمل حسابوا
.. ها الصبحية بدو ياخد منابوا...و يعرف سر طلاق النسوان السبعه...
وصلت النسوان ع النهر و بهمة و نشاط كملوا كل الغسيلات ...و عقدوا تحت شجرة وحواليهن الربيع باحلى وردات...نط الشب الي اسمه فتكات ...و قلن شو رايكن يا ثيجان الراس...كل وحدة تحكي لنا قصتها من الاساس...وكان هو اول مين حكي عن فتكات الي ضيعت النعجات وهربت من نسوان اخواتها الشريرات...
و اجا دور فوزية وبدت وقالت: اسمعوا يا اخواتي انا جوزي كان تاجر حنا كل يوم يجيب اكياسها ...ويحطها في البيت عنا حتى ع المشي ما عاد قدرنا... وكان بيتنا قديم وكان في السقف والجدران شقوق... وكل مرة قول لزوجي الله يهديك ابن عمي صلح...يشتكي و يوم مقروق.. ومرة كان جوزي غايب...فقلت في عقلي هو بيتعب ...يلا يا فوزية شمري و بلا لعب ... انا بقوم بها العمل...
فصرت اجبل جبل... اجيب مي وحنا واسكر الحيطان...فجاءة.. و قالت لي المطر انتي تعي ...و يا عيني هي تشتي و الحنة تلزق معي ..صار البيت وديان حنة ... ومن الباب طالعه لبرا من عنا ...التفت لقيتني خلصت كل اكياس الحنه ... طبعا انا فرحانة..وتحمرت وتبودرت وقعدت استنا ...جوزي ، رجع جوزي تعبان... وشاف الأرض فاضية و الارض من عند الجيران جاية وديان... فقال وين الحنا يا وليه... ولك سودتيها عليااااا....شو عملتي فيااااا... فحكيت له الحكاية فصاح وصاح... ولم علينا الحارة بكي ونواح ...وقال انت مجنونة خربت بيتي الله يخرب بيتك...ريتني من بيت ابوك لا عرفتك ولا جبتك... ياللللللللللللللله على دار ابوكي يا شحاته...وبتكوني طالقة بالثلاثه...
بالله عليكم يا جماعة الحق علي والا عليه؟؟؟
صاحوا النسوان مع بعض لا والله... الحق عليه ...درب الي يخلع رقبته ويحطها بين ايديه..بدل المعروف ضرب كفوف...
وقالت الثانيه: أنا جوزي ما يعجبو العجب ولا الصيام برجب...كلمة و ع طول بتمو... هالمخدة يابسة يا ام اسماعيل... انفش قطناتها كل يوم ..واطرقها بالعصا...لعل و عسى... بس بظل يقول لساها يابسة...
فكرت احسن اشتري لية... واحطها جوا المخدة ... اكيد راح يشوفها صوف طرية.. رجع من شغله تعبان ونام وقال الله يرضى عليكي.. المخدة هلا طريه .. وبعد يومين ثلاث دودت اللية... وطلعت دودة على خد جوزي... يا الله عليا ما بدي يحس فيا.. بدي اقيمها بايديا.. بخاف يصحى احسن شغله اقتلها بشبشب وعليك ورقعته على خد جوزي..قام عرقه يتصبب... مثل المجنون وصاح يا مرة انجنيتي.. خفت اصحيك لو قمت الدودة بايدي.. لك انه دوده يا دوده ...حكيت له الحكاية... فقالي باختصار ما بدي احمل دمك ..يالله على دار ابوكي وامك.. طالق بالثلاثة.. ها الحق علي والا عليه؟؟؟
النسوان بصوت واحد الحق عليه الله يكسر رقبته بين ايديه
وبدت الثالثه تحكي قصتها وقالت: انا جوزي تاجر رز كل يوم يقلي... لك شهوتي بمقلوبة اكل منها لاشبع ... اكبر مقلوبة بالدنيا ... نعملها ونبيع منها... و الناس تشتري و ترجع...اخ يا خيرية لو ها الحلم يتحقق ...نصير اغنياء و عيون العالم تتمقق.. نطت الفكرة براسي ..وقلت ليش ها المفاجاءة مو مقاسي..انا بعملها.. وصرت حط الطناجر ع النار و جيب اكياس الرز كبها وتبلها ..لحتى كملتن كلن ...
ولما اجا جوزي سئل ... وين اكياس الرز يا ام العلل ... ضحكت و شوارتلو على الطناجر..راح يجري عليهن و يصرخ..يا حظك العاثر .. صار يسبني وطردني.. وقالي علي الطلاق بالثلاثه ما انت باقية بداري يالله على دار ابوك...
بالله عليكم يا نسوان الحق علي والا عليه
والستة قالوا بتم واحد الحق عليه... الله يقصف رقبته البيتبين يديه.. الي رباك ما هرب وخلاك
وقالت الرابعه: انا جوزي كان عنده عزيمة على العشا... وقال بشتريلك خاروف للحشى.. وخاروف مقطع.. واطبخي غير شكل وكلو متنوع... بديت احضر وانقر... واحشي واقطع ..وحط توابل وزعتر.. حتى حضرت جميع الطناجر.. قلت في عقلي بكير.. خليني اروح عند جارتي.. اتسلى ما في شي بيطير.. رحت وصارت هي تقول وانا لث ... ونسيت حالي لاخر المغرب... صرت اركض على البيت اولع الحطب.. ومش ملحقة من طنجرة لطنجرة ... وجوزي جاي قال الله يرضى عليك كلواستوى... حكيتلو حكايتي ... قام صاح المهم شو بدي اطعمي هالمعازيم؟؟.. قلتله خليهم لبكرة بنغديهم غدا .. ولك بدك تشمتي فينا العداااااا..لك انتي مجنونه اكيد ...طلاقك صار تاكيد ... وطلقني، بالله الحق علي والا عليه؟؟؟
الستة مع بعض قالوا الحق عليه الله يخرب بيته خرب بيته بايده ...
وهيك حكو النسوان الاربعه...و الشب مدهول وسطن...ينقل عيونه بين السبعه...منو مصدق ودانه...وقريب يطير عقلو و يعلن جنانه...قولكن يا صبايا الاماكن ..كل النسوان مثل بعض...ولا بين السبعه في اكيد وحدة غير ... خلونا نكشف المستور بكره انشاء الله بس على بكير...ونشوف المفاجاءة العجيبة...وحكايتنا مطولة شوي ...بس عن جد نهايتها غريبة ...انطوروني ...
حكاية النسوان السبعة المطلقات
كان يا مكان في قديم هالزمان…بسالف العصر والاوان ...وما بيحلا الكلام الا بذكر النبي عليه الصلاة والسلام...صلو على النبي محمد عليه الصلاة و السلام واله الاطهار الكرام ...
كان في سبع نسوان يا عيني مطلقات من ازواجهن...وهني بصراحه عجبة في حارتهن... وبيعيشوا بقرب بعض... وكل ليلة كانوا يسهروا لبعد المغرب... عند واحدة فيهن ...و كل الحارة جانة من جنونن ...لك كيف سبع نسوان يا حسرتي مطلقات...هني من عائلات اكابرية و متربايات..خلوقات و بشوشات... مو ناقصن شي ابدا ... بس الناس تحب النميمة يا ربي شو نسجوا عنن حكايات ... حتى الرجال طار عقلاتها وصارت فضولية...بدا تعرف حكاية عائشة وخيرية وحتى فوزية .
في شاب عجيب غريب... عمرو ما خاب ولا بيخيب...عليه مخ و افكار..يا الله عليها ...تقول قرد مصور ... هزوا فضولوا لا يكتشف سر النسوان المطلقه ...وبدوا و الف سيف يعرف شو قصة كل معتقة ... لبس لبس نسوان...وحط ع راسو شعر وصار ما شاء الله عليه ست البنات..تشوفوا تقول احلى الحلوات... و سمى حالو فتكات...
راح الشب على بيت فوزية ...الي بيتجمعوا عندا المطلقات ... ودق الباب بادب..و نحنح بصوت البنات...طلعت فوزية من الباب..و قالت اي بنتي في شي ...نزلت فتكات دموع...و اااااااخ ااااخ على حظها المقلوع...ما عندا اب ولا ام...ونسوان اخواتها حالتهن تغم...كل يوم يعطوها قتلة...وهي ما بتقدر تحكي...من شان هيك عم تدور على شغلة ...بس بهدمة و لمقة...ما بدها مصاري ولا رسمة...
انوجع قلب فوزية يا الله...شو ها البنت المسكينة الي ما عندى غير فوزية و الله ...
لا بقى راح اخدها ...تعملي شاي و تخدم على القعدة ...لما يجوا النسوان المطلقات...وهيك اقعد ع راحتي انا ..و بكام كلمة و معنى اتهنى ..
وهيك اندس الشاب وسط النسوان ...و صار تعي يا فتكات ..روحي يا فتكات...جيبي يا فتكات..و فتكايه هات هات ..وهو مستني يعرف سر الستات...
قولكن راح يقدر يعرف ها العفريت سر النسوان المطلقات
خلونا نشوف ها النمس شو بيقدر عليه ...و السر الي جاي من شانو راح يعرفوا ولا النسوان راح تكتشفه وتخفيه ...شو قولكن انتوا ...بيقدر ولا لاء
حقيقه ما طول الشب مقامه عند فوزية ... و حضر قعداتن العائليه...وسمع حكياتن الحلوة...و رقص كمان على كام غنوة...شنو نسوان الشام... تحب الغنى ليحلى المقام...حتى نطت براسه فكرة جهنمية...
قرب على فوزية خانم و قال ستي ستي ...شو رايك بدل ما نضل قاعدين بالبيت ...نطلع طلعه جماعية...كل مين عنده غسيل ياخدو معوا ع النهر..شو رايك نروح كلنا بين ضي القمر....وطلوع الفجر...
فرحوا النسوان بالفكرة و ما صدقوا ...وعلى الطلعه كلياتن اتفقوا ..والشب عمل حسابوا
.. ها الصبحية بدو ياخد منابوا...و يعرف سر طلاق النسوان السبعه...
وصلت النسوان ع النهر و بهمة و نشاط كملوا كل الغسيلات ...و عقدوا تحت شجرة وحواليهن الربيع باحلى وردات...نط الشب الي اسمه فتكات ...و قلن شو رايكن يا ثيجان الراس...كل وحدة تحكي لنا قصتها من الاساس...وكان هو اول مين حكي عن فتكات الي ضيعت النعجات وهربت من نسوان اخواتها الشريرات...
و اجا دور فوزية وبدت وقالت: اسمعوا يا اخواتي انا جوزي كان تاجر حنا كل يوم يجيب اكياسها ...ويحطها في البيت عنا حتى ع المشي ما عاد قدرنا... وكان بيتنا قديم وكان في السقف والجدران شقوق... وكل مرة قول لزوجي الله يهديك ابن عمي صلح...يشتكي و يوم مقروق.. ومرة كان جوزي غايب...فقلت في عقلي هو بيتعب ...يلا يا فوزية شمري و بلا لعب ... انا بقوم بها العمل...
فصرت اجبل جبل... اجيب مي وحنا واسكر الحيطان...فجاءة.. و قالت لي المطر انتي تعي ...و يا عيني هي تشتي و الحنة تلزق معي ..صار البيت وديان حنة ... ومن الباب طالعه لبرا من عنا ...التفت لقيتني خلصت كل اكياس الحنه ... طبعا انا فرحانة..وتحمرت وتبودرت وقعدت استنا ...جوزي ، رجع جوزي تعبان... وشاف الأرض فاضية و الارض من عند الجيران جاية وديان... فقال وين الحنا يا وليه... ولك سودتيها عليااااا....شو عملتي فيااااا... فحكيت له الحكاية فصاح وصاح... ولم علينا الحارة بكي ونواح ...وقال انت مجنونة خربت بيتي الله يخرب بيتك...ريتني من بيت ابوك لا عرفتك ولا جبتك... ياللللللللللللللله على دار ابوكي يا شحاته...وبتكوني طالقة بالثلاثه...
بالله عليكم يا جماعة الحق علي والا عليه؟؟؟
صاحوا النسوان مع بعض لا والله... الحق عليه ...درب الي يخلع رقبته ويحطها بين ايديه..بدل المعروف ضرب كفوف...
وقالت الثانيه: أنا جوزي ما يعجبو العجب ولا الصيام برجب...كلمة و ع طول بتمو... هالمخدة يابسة يا ام اسماعيل... انفش قطناتها كل يوم ..واطرقها بالعصا...لعل و عسى... بس بظل يقول لساها يابسة...
فكرت احسن اشتري لية... واحطها جوا المخدة ... اكيد راح يشوفها صوف طرية.. رجع من شغله تعبان ونام وقال الله يرضى عليكي.. المخدة هلا طريه .. وبعد يومين ثلاث دودت اللية... وطلعت دودة على خد جوزي... يا الله عليا ما بدي يحس فيا.. بدي اقيمها بايديا.. بخاف يصحى احسن شغله اقتلها بشبشب وعليك ورقعته على خد جوزي..قام عرقه يتصبب... مثل المجنون وصاح يا مرة انجنيتي.. خفت اصحيك لو قمت الدودة بايدي.. لك انه دوده يا دوده ...حكيت له الحكاية... فقالي باختصار ما بدي احمل دمك ..يالله على دار ابوكي وامك.. طالق بالثلاثة.. ها الحق علي والا عليه؟؟؟
النسوان بصوت واحد الحق عليه الله يكسر رقبته بين ايديه
وبدت الثالثه تحكي قصتها وقالت: انا جوزي تاجر رز كل يوم يقلي... لك شهوتي بمقلوبة اكل منها لاشبع ... اكبر مقلوبة بالدنيا ... نعملها ونبيع منها... و الناس تشتري و ترجع...اخ يا خيرية لو ها الحلم يتحقق ...نصير اغنياء و عيون العالم تتمقق.. نطت الفكرة براسي ..وقلت ليش ها المفاجاءة مو مقاسي..انا بعملها.. وصرت حط الطناجر ع النار و جيب اكياس الرز كبها وتبلها ..لحتى كملتن كلن ...
ولما اجا جوزي سئل ... وين اكياس الرز يا ام العلل ... ضحكت و شوارتلو على الطناجر..راح يجري عليهن و يصرخ..يا حظك العاثر .. صار يسبني وطردني.. وقالي علي الطلاق بالثلاثه ما انت باقية بداري يالله على دار ابوك...
بالله عليكم يا نسوان الحق علي والا عليه
والستة قالوا بتم واحد الحق عليه... الله يقصف رقبته البيتبين يديه.. الي رباك ما هرب وخلاك
وقالت الرابعه: انا جوزي كان عنده عزيمة على العشا... وقال بشتريلك خاروف للحشى.. وخاروف مقطع.. واطبخي غير شكل وكلو متنوع... بديت احضر وانقر... واحشي واقطع ..وحط توابل وزعتر.. حتى حضرت جميع الطناجر.. قلت في عقلي بكير.. خليني اروح عند جارتي.. اتسلى ما في شي بيطير.. رحت وصارت هي تقول وانا لث ... ونسيت حالي لاخر المغرب... صرت اركض على البيت اولع الحطب.. ومش ملحقة من طنجرة لطنجرة ... وجوزي جاي قال الله يرضى عليك كلواستوى... حكيتلو حكايتي ... قام صاح المهم شو بدي اطعمي هالمعازيم؟؟.. قلتله خليهم لبكرة بنغديهم غدا .. ولك بدك تشمتي فينا العداااااا..لك انتي مجنونه اكيد ...طلاقك صار تاكيد ... وطلقني، بالله الحق علي والا عليه؟؟؟
الستة مع بعض قالوا الحق عليه الله يخرب بيته خرب بيته بايده ...
وهيك حكو النسوان الاربعه...و الشب مدهول وسطن...ينقل عيونه بين السبعه...منو مصدق ودانه...وقريب يطير عقلو و يعلن جنانه...قولكن يا صبايا الاماكن ..كل النسوان مثل بعض...ولا بين السبعه في اكيد وحدة غير ... خلونا نكشف المستور بكره انشاء الله بس على بكير...ونشوف المفاجاءة العجيبة...وحكايتنا مطولة شوي ...بس عن جد نهايتها غريبة ...انطوروني ...